DUHA KA MAKESHIFT BUILDING SA NABOL NATIONAL HIGH SCHOOL, GI-TURN OVER SA LGU MALAPATAN UG DEPED SARANGANI ATOL SA PAGSUGOD SA KLASE
Gipangunahan ni Mayor Salway “Jun” Sumbo, Jr. ug Department of Education (DepEd) Sarangani Schools Division Superintendent Ruth Estacio, Ph.D, CESO VI ang pag-turn over sa duha ka makeshift building ngadto sa Nabol National High School subay sa pagsugod sa klase sa Sitio Nabol, Barangay Kinam niadtong huwebes, Agosto 14, 2024.
Sa mensahe ni Mayor Sumbo, Jr., usa ka dakong lakang sa paghatag og dekalidad nga edukasyon ang pagtukod sa makeshift building sa Sitio Nabol. Nagpasalamat usab ang alkalde sa personal nga pagbisita sa DepEd Sarangani Division luyo man sa kalayo ug kalisod sa dalan.
Ang maong building pagamiton isip temporaryong eskwelahan alang sa pagsugod sa klase niining tuiga ug ang unang pagpahigayon og flag raising ceremony sa eskwelahan.
Mibisita usab sa unang higayon ang probinsya sa Sarangani nga gipangunahan ni Provincial Administrator Atty. Ryan Jay Ramos aron personal nga makita ang sitwasyon sa maong komunidad.
Gisalmotan sa maong seremonya nila Assistant SDS Atty. Nelyn Frinal, DepEd Sarangani Curriculum Implementation Division (CID) Chief Donna S. Panes, Education Program Supervisor Analiza A. Domingo, DepEd Sarangani Planning Officer Bualan Y. Abid, Jr., 16th Sangguniang Bayan Members nga gipangulohan ni Vice Mayor Jean Delos Santos, PMAJ Lloyd Levin Caigas, Municipal Engineer Reque Diodina, MDRRMO Bonbon Quiño, ug mga opisyales sa barangay nga gipangulohan ni Kinam Punong Barangay Ruben Sumbo, Sr. (Malapatan Information Office)