Subay sa pormal nga pagsugod sa klase sa Malapatan College of Science and Technology (MalahSCI) niadtong Lunes, Agosto 05, 2024 para sa School Year 2024 – 2025, gipangunahan ni Mayor Salway “Jun” Sumbo Jr. ang Abre Klase: Thanksgiving Ceremony niadtong Biyernes, Agosto 09, 2024 sa MalahSci School Ground, Barangay Lun Padidu.

Misalmot sa maong selebrasyon sila Congressman Steve Chiongbian Solon, Vice Mayor Jean Delos Santos, Municipal Councilors, Department Heads, mga opisyales sa CHED, Civil Service, PLGU Sarangani ug uban pa.

Matud pa ni Mayor Sumbo, ang pagtukod og dakong eskwelahan sa Malapatan usa lamang ka pangandoy, apan pinaagi sa pagpaningkamot, namahimong posible kini. Nagpasalamaton usab ang Alkalde sa tanang misuporta ug mitabang aron matagaan og tsansa ang mga kabatan-onan sa Malapatan nga makatungtong ug makahuman sa kolehiyo.

Anaa sa 300 ka mga estudyante ang kasamtangang naka-enroll sa MalahSCI ngadto sa duha ka kurso niini nga mao ang Bachelor of Science in Business Agriculture ug Bachelor of Science in Entrepreneurship.

Anaa usab sa maong aktibidad sila Rosenkranz Espartero, Executive Assistant IV ni Governor Ruel Pacquiao, CHED Regional Office XII Education Supervisor II Dr. Genaro Andres, Civil Service Commission Regional Director Director IV Grace R. Belgado-Saqueton, CPA, CSC Provincial Director Edna Nebrija-Mahinay, Maco de Oro College President Dr. Anthony Pol Fulache, Account Officer LBP Gensan Suellen Joy Cabeje, Board Members Ephraim Galzote, Gwynn Singcoy, ug PPSK Johanna Ewag, kauban usab si Philippine Christian University Program Director/Site Coordinator Carol Ramirez-Barrete ug ang MalahSCI teachers and staff. (Malapatan Information Office)

#ArangkadaMalapatan
#SerbisyongSeguradosaBarangay
#SerbiayondeDekalidadSegurado