LGU MALAPATAN, NAANGKON ANG SEAL OF GOOD LOCAL GOVERNANCE SA IKADUHANG HIGAYON

Naangkon pag-usab sa lokal nga panggamhanan sa Malapatan sa ikaduhang higayon ang Seal of Good Local Governance (SGLG) Award atol sa gipahigayon nga SGLG National Awarding Ceremony sa The Manila Hotel, Metro Manila, Disyembre 9, 2024.

Mismong si Municipal Mayor Salway “Jun” Sumbo Jr., MMPA kauban si MLGOO Florence Abelarde ang nanguna sa pagdawat sa maong prestihiyosong award gikan sa Department of the Interior and Local Government (DILG) nga gipangulohan ni Secretary Juanito Victor “Jonvic” Remulla.

Matod pa sa Department of Interior and Local Government, usa ang Malapatan sa 577 ka munisipalidad ang makadawat sa maong SGLG award ug tungod usab niini, makadawat og SGLG Marker nga 1.153 million pesos nga incentive funds para sa mga proyekto sa munisipalidad.

Sa mensahe ni Mayor Sumbo, iyang gipasidunggan ang nadawat nga award pinaagi sa pagpaningkamot sa mga personahe sa DILG, Department ug Section Heads, tanang empleyado sa munisipyo, kaubang opisyales sa barangay ug munisipalidad, Government and Non-Government Partners ug ilabi na ang Technical Working Group sa SGLG Malapatan. Timailhan usab kini nga maayo ang pagdumala sa Malapatan ug padayon ang maayong pagpanerbisyo sa katawhan.

SGLG Awardee usab ang probinsya sa Sarangani inubanan sa tatlo ka munisipalidad nga mao ang Municipality of Alabel, Malungon ug Maasim nga gisalmutan ni Governor Rogelio Pacquiao, Alabel Mayor Vic Paul Salarda, Malungon Mayor Maria Theresa Constantino ug Maasim Mayor Xyrex Pacquiao.

Ang SGLG usa ka institutionalized award ug recognition based-program ilawom sa Republic Act 11292 o ang SGLG Act of 2019 nga gadasig sa mga LGU nga mas i-improb ang ilahang serbisyo pinaagi sa nagkalain-laing government areas sama sa Financial Administration, Disaster Preparedness, Social Protection and Sensitivity, Health Compliances and Responsiveness, Sustainable Education, Business-Friendliness and Competitiveness, Safety, Peace and Order, Environmental Management, Tourism, Heritage Development, Culture and Arts ug Youth Development. (MIO Malapatan)

#ArangkadaMalapatan

#SerbisyongSegurado

#SerbisyongDekalidadSegurado