Anaa sa 169 ka panimalay ug dili magbaba sa 1,300 ka indibidwal gikan sa Sitio Matlusi, Sitio Mahayag ug Sitio Lino ug ang ubang residente sa Sitio Maybaca ug Sitio Upper Kyugam ang nakabenepisyo sa nagkadaiyang serbisyo gikan sa LGU Malapatan. Mokabat ngadto sa sobra napulo (10) ka kilometro ang kalayo sa gibaktas gikan sa Sitio Banlas, Kihan paadto sa maong mga sitios sa barangay Upper Suyan aron mahatod lamang ang mga serbisyo.

Sa maong SSB Community Outreach, gipahigayon ang libreng gupit, medical checkup, pagpanghatag og tambal, immunization, food packs, school bags, birth certificate registration, data gathering ug uban pa.

Gipangunahan ni Municipal Administrator Mayette Suib, CPA isip representante ni Mayor Sumbo, Jr. ang maong aktibidad kauban ang nagkadaiyang empleyado sa munisipyo.

Unang pagbisita ug pagpahigayon usab kini og community outreach sa sitio Lino nga anaa sa pinakatumoy nga bahin ug pinakalayo nga sitio sa Barangay Upper Suyan.

Sa mensahe ni Joel Mongkil, residente sa usa ka sitio, dako ang ilahang kalipay ug pagpasalamat kay mao kini ang unang higayon nga gi-bisita sila
sa gobyerno sa Malapatan aron maghatod og mga lain-laing serbisyo. Dugang pagpasalamat usab ni Mongkil ang pag adto ug presensya sa LGU Malapatan
aron madungog ang ilahang mga pangandoy sa ilahang komunidad.

Gisalmotan ang maong aktibidad sa mga personahe sa Office of the Municipal Mayor, Municipal Civil Registrar, Office of the Municipal Agriculturist,
Municipal Social Welfare and Development Office, Municipal Disaster Risk Reduction and Management Office, Municipal Health Office, Ronda Probinsya
sa Sarangani, Barangay Council of Upper Suyan nga gipangulohan ni Punong Barangay Beltran Cawan, ug mga personahe usab sa Kamlung Banwe ug Armed
Forces of the Philippines. (Malapatan Information Office)

#ArangkadaMalapatan
#SerbisyongSeguradosaBarangay
#SerbiayondeDekalidadSegurado