LGU MALAPATAN GIILA PAG-USAB ISIP GAWAD KALASAG NATIONAL AWARDEE SA IKADUHANG HIGAYON
Gi-ila pag-usab ang Lokal nga Panggamhanan sa Malapatan isip Beyond Compliant sa Disaster Risk Reduction and Management atol sa gipahigayon nga 24th Gawad KALASAG (GK) Seal and Special Awards for Excellence in Disaster Risk Reduction and Management and Humanitarian Assistance National Awarding Ceremony niadtong Nobyembre 28, 2024 sa The Carpenter Hill, Koronadal City.
Mismong si Mayor ug MDRRM Council Chairman Salway “Jun” Sumbo Jr., MMPA ang nanguna sa pagdawat sa prestihiyosong award kauban sila Municipal DRRMO Head Bon-Bon Quiño, Municipal Councilor Brandy Palarion, EMT ug Office of the Civil Defense XII Regional Director Raylindo Aniñon.
Nagpaabot og dakong pagpasalamat si Mayor Sumbo Jr ngadto sa Office of Civil Defense (OCD) alang sa maong pasidungog. “Kini nga award dili lamang pasidungog alang sa atong LGU kon dili, usa usab ka inspirasyon aron ipadayon ang atong mga kalihokan nga nagapadako sa kaluwasan ug kahandaan sa atong komunidad batok sa mga katalagman,” matod ni Mayor Sumbo.
Ang LGU Malapatan nakakab-ot ang highest rating nga Beyond Compliant nga adunay rating nga 2.58, pinaagi sa maayong performance niini sa gipahigayon nga Regional Evaluation sa National Disaster Risk Reduction and Management Council (NDRRMC).
Ang Gawad KALASAG (Kalamidad at Sakuna Labanan, Sariling Galing ang Kaligtasan) usa ka tinuig nga national recognition nga nagapasiugda sa mga LGU, eskwelahan, indibidwal, ug uban pang Disaster Risk Reduction and Management (DRRM) practitioners. Kini nagahatag og dungog sa ilang makabag-o ug epektibo nga mga programa ug proyekto nga nagapadayon sa proteksyon sa komunidad ilabi na sa kahandaan sa mga katalagman. (Malapatan Information Office)
#ArangkadaMalapatan
#SerbisyongSegurado
#SerbisyongDekalidadSegurado
#GawadKALASADNationalAward
