Aron mas hugot nga mapalig-on ang kaluwasan, kaayohan ug seguridad sa publiko pag-abot sa unsa mang emergency, disaster ug uban pang kritikal nga insidente sa barangay, gi-establisar sa LGU Malapatan ang Barangay Emergency Response Center (BERC) sa Barangay Kihan atol sa kasaulogan sa ilahang ika-33rd Founding Anniversary ug 14th Kasakdo Festival, Huwebes, Agosto 29, 2024.

Gipangulohan ni Mayor Salway “Jun” Sumbo Jr. isip Municipal Disaster Risk Reduction and Management Council (MDRRMC) Chairman ang maong launching ceremony kauban si Congressman Steve Chiongbian Solon, Vice Mayor Jean Delos Santos, Municipal Councilors ug Kihan Punong Barangay Arnel Mante.

Sa mensahe ni Mayor Sumbo, usa ka dakong lakang sa LGU Malapatan ang pagbutang og BERC sa barangay ilabi na sa paspas nga pagresponde ug hingadali nga serbisyo pag-abot sa emergency, disaster ug public safety.

Dakong pagpasalamat usab ang gipaabot ni Punong Barangay Peco sa kanunay nga suporta ug tabang nga gihatag sa barangay Kihan pinaagi sa nagkadaiyang programa, proyekto ug aktibidades ilabi na ang unang pagtukod sa Barangay Emergency Response Center nga dakong tabang sa katawhan sa Kihan.

Ang Barangay Emergency Response Center (BERC) usa ka programa ilawom sa operasyon sa MDRRMO Malapatan kung diin aduna kini communication equipment, ambulance ug trained personnel sa pakig-alayon usab sa barangay. Ang pag-establisar sa BERC nahimong posible pinaagi sa suporta sa mga miyembro sa MDRRM Council Members ug 16th Sangguniang Bayan Members pinaagi sa Special Ordinance No. 33 s. 2024 “An Ordinance Mandating the Establishment of Emergency Response Centers in All Twelve Barangays of the Municipality and Appropriating Funds Therefore” nga gipangunahan usab ni Committee Chair on Disaster and Climate Change Brandy Palarion.

Gitambongan usab ang maong aktibidad nila Municipal Councilors Brandy Palarion, Danilo Abdulradzak, Eleanor Suib, Al-Omer Suib, Ruben Sumbo, Jr., ug Diana Jade Tatad-Sambaga, kauban usab sila Engr. Gerald Faciol, Chief of Staff ni Congressman Solon, SPPO Chief PLt Col. Yol Hilado, Malapatan Chief of Police PMAJ Lloyd Levin Caigas, mga personahe sa MDRRMO Malapatan nga gipangunahan ni Bon-Bon Quiño ug mga opisyales ug Barangay Health Workers sa barangay Kihan. (Malapatan Information Office)

#ArangkadaMalapatan
#SerbisyongSeguradosaBarangay
#SerbiayondeDekalidadSegurado