Kinam

Download Ecological Profile of the Barangay Kinam, Malapatan

MESSAGE

Dad Malgad Falnok E Banwe!

Ang tinu-uray nga pagpanirbisyo maoy sumbanan sa panaghiusa ug pagminahalay sa kinatibuk-ang katawhan ug giya kini o dalan paingon sa kalambuan sa atong barangay. Isip inyong amahan sa barangay inubanan sa mga miyembro sa 8 th Sangguniang Barangay sa kinam ako nagapasalamat sa inyong dako ug maluntarong suporta. Ang akong tumong ug tinguha nga mapadayon ang kahapsay ug kalinaw sa atong barangay alang kanato ug pinaagi sa inyong hugot nga suporta ug kooperasyon ngadto sa akong administrasyon, gi-aghat nako ang labing bagang katawhan nga atong suportahan ang mga programa ug proyekto ning maong administrasyon aron atong makab-ot ang atong ginahandom nga tunhay, kalinaw ug kalambuan.

Daghang Salamat.

HON. SALWAY D. SUMBO JR.

Punong Barangay

 

HISTORY

Sa wala pa ang ikaduhang gubat sa kalibutan ang lugar nga Kinam gitunga-tunga sa 13 ka parte ug may mga kaugalingon nga mga lider. 1.) Datal Atno – Sangay Manggay ug Segafu Sumbo, 2.) Atdaan Kinam – Datu mammon Lambaran ug Manti Tapikan, 3.) Ulo Kinam - Lumbo Maggay ug Segafu Manggay, 4.) Lamkulay – Pendatun Bas ug Amgalaw Engkong, 5.) Ulo Kiube – Tagi Diantan, Blingon Ginang ug Fao Ginang, 6.) Bukay El or Palto Luan – Bilo Masamloc, Po Cambe ug Sangcala, 7.) At daan Camajo – Tanggan ug Tagusi, 8.) Atdaan Kiumpo – Tingan ug Limon Diot, 9.) Kitulag – Salway Sumbo Sr, Yakon Sumbo ug Wong Sumbo, 10.) Akbongkod – Panay Maguan ug Lo Taluno 11.) Mangkat – Daye Amgalaw ug Bagyan, 12.) Banli – Cabisa Padayag, 13.) Datal Nabol – Bas Tawara ug Klacaf Tawara.

Traditional Background:

Kining mga lider ang gapangulo sa pagsulong sa mga ubang lugar ug makig gera batok sa ubang mga lider, apan nag-abot ang panahon na sila na mismo ang nangita ug pamaagi kong unsaon nga masulbad ang ilang mga panagbangi. Si Sangay Manggay ang nagnegosyar sa mga lider sa Banli, Datal Nabol, Kitulag Palto Luan ug Akbongkod para maariglo ang ilang mga panagbangi ug tuod man nangita ug pamaagi aron mabugnaw ang ilang mga panagbangi, sila nagsabot ug nagkauli ang ilang maayong relasyon pinaagi sa pagsadyandi o “ Blood Compact”

Mode of Living:

Kaingin ug pagpananom ug Kamuti ug Kamuting Kahoy, Saging ug uban pa. Ang panud-an ginahimu pinaagi sa pagpanghanting sa baboy ihalas, Binaw ug Unggoy, kasagaran naa sa pangpanghubas sa sapa ug pagpanikop. Ang pagdakop sa mga ihalas nga hayop ginahimu pinaagi sa Labtik o liman ug lambat. Ang kasagarang ginahimu nga kalingawan mao ang pagpaaway sa kabayo bilang mean of sport.

Sa early 50's nadiskubre nila ang pagkontak sa ilang mga kaigsuonan nga mga muslim pinaagi sa Agong, sa Lun Padidu, Kawas ug Sapu Padidu ug didto sa lugar nga ilang gikasabutan sa Dungan Latil ug Atdaan Kinam ang mga igsuon natong muslim nga gikan sa Lun Padidu, Kawas ug Tuyan magdala ug mga banig, isda, salmon, tabyos, asin ug mga sanina aron ibarter ngadto sa mga igsuon nga mga Blaan sa ilang mga Kamuti, Humay ug mga Antigo.

Sa administrasyon ni Presidente Ramon Magsaysay ang Gobyerno diha-diha dayon nagpadala ug Survey team ug gitan-aw ang tibuok lugar ning Kinam, gani kining Lot 39 nga may gilapdon nga 17.5 ka hektaryas nga nabutangan sa atong Barangay Site giproklamar bilang Reserved Town Site nga ang pikas niini gi-angkon ni Segafu Sumbo ug pikas niini gi-angkon ni Pendatun Bas. Sa tuig 1954 nag-abot dinhi sa Kinam ang mga Pioneering nga mga Visayan sama nila ni Tranguilino Genotiva, Semion Pagharion, Elisio Peñaranda, Simplicio Antojado Sr. Faustino Marin Sr, Eping Fegueroa, Felomino Pangilinan, Caridad Fegueroa, Pamilyang Cancer, Doming Ocampo ug Felix Carrasco.

Ang mga pioneering na mga Visaya nag-iyaiya ug pondar sa ilang mga panginabuhian sa mga musunod nga mga lugar. Si Tranquilino Genotiva sa Ulo Kiube, Faustino Marin sa Lampugan, Eping Fegueroa ug Caridad Fegueroa sa Atdaan Kinam, Semion Pagharion sa Akbubol, Pangilinan sa Kiumpo, Isaac Tolentino sa Silal ug Cancer atbang sa Camnajo.

Sa tuig 1955 ang mga pioneering nagporma ug usa ka asosasyon nga ginatawag na “ Labing Hiusa “ sa ilang katuyuan nga mapalambo ang lugar nga Kinam.

Si Tranquilino Genotiva ug Paustino Marin nagnegosyar kang Sumbo ug Pendatun Bas nga mao ang nagaangkon sa Reserved Town Site nga paliton ug tuod man ang gi-angkon ni Pendatun Bas gibayaran ug usa kabuok kabayo ug ang kay Segafu Sumbo nga naangkon nagkasabot sila didto sa Barangay Lun Masla ng sa diin nasakop ang Reserved Town Site sa pamunuan ni Barangay Kapitan Bonifacio Tatad nasabutan nila nga tagaan ug tig Php 20.00 ka pesos si Segafu sa kada Lote nga maakopar sa kada tawo ug kini ilang gihimuan ug kasulatan.

Sa tuig 1963 nagkasabot sila ni Felix V. Carrasco, Edelberto Cancer, Semion Pagharion, Faustino Marin, Tranquilino Genotiva ug Pagharion nga mangani ug mga kaigsuonan nga mga Blaan aron sa paghimu ug agianan sa trak gikan sa Daan Suyan padulong dinhi sa Kinam kay maski kabayo galisod sa pag-agi sa gamay kaayong agianan kay sa sapa man ginaagi ang mga produkto pinaagi sa gakit kon Alol para kargahan sa ilang mga humay, mais ug uban pa para makaabot sa Barangay Lun Masla.

Sa tuig 1967-68 si Pyang L. Singcoy nagpapili bilang usa ka konsehal sa munisipalidad sa Glan, kanhi Probinsiya sa South Cotabato ug kini nagmadaugon, siya naningkamot nga masiparar ang Malapatan ngadto sa Glan ug kini natuman sa tuig 1972. Sa iyang pagsarili nasakop niini ang pito (7) ka barangay sama sa Barangay Lun Padidu, Barangay Sapu Padidu, Barangay Sapu Masala, Barangay Poblacion, Barangay Libi ug Barangay Lun Masala.

Ang Barangay Council sa Lun Masala pinaagi ni Barangay Kagawad Severina Uayan nag motion sa iyang Resolution ngadto sa ilang Regular Session nga ang Sitio Kinam isiparar sa Barangay Lun Masala ug mamahimong usa ka barangay tungod sa kalayuon sa mother barangay.

Sa maong tuiga ang asosasyon sa mga Pioneering nagpasa ug request kay Mayor Pyang L. Singcoy aron dinhi sa Kinam pagahimuon ang ilang Regular Session ug tungod niini ang Sangguniang Bayan sa Malapatan nagpasa ug Resolution na ang Kinam mahimong ikawalong (8) barangay sa Malapatan.

Sa temprano sa Mayo tuig 1972, nagpasa ug Resolution ang Sangguniang Bayan sa Malapatan ngadto sa Sangguniang Panlalawigan sa Marbel, South Cotabato ug National Government of Manila na may Resolution No. 50-72 naghangyo na aprobahan sa National Government ang resolution nga ang Kinam mamahimong ika-walong (8) Barangay sa Munisipyo sa Malapatan.

Sa temprano sa Nobyembre 1972 nagpahigayon ug usa ka Barangay Election ug ang unang Barangay Kapitan mao si Daniel T. Valenzuela Sr. inubanan sa unom (6) ka mga Barangay Kagawad nga sila ni Tranquilino Genotiva, Rudy Torres, Felix Carrasco, Felomino Pangilinan, Pepito Moranos, Braulio Paas, ug ang ilang Barangay Secretary si Jesus Javier, Beatres Peñaranda mao ang ilang Barangay Treasurer.

Sa tuig 1980 si Barangay Kapitan Daniel Valenzuela nagpapili bilang Municipal Kagawad linya ni Mayor Pyang L. Singcoy ug nagmadaugon ang ilang linyada ug gani si Barangay Kagawad Pepito Moranos gi-appoint bilang usa ka Sectoral Representative sa Sangguniang Bayan sa Malapatan ug si Barangay Kagawad Felix V. Carrasco maoy gi-rekomendang Barangay Kapitan ni Barangay Kapitan Daniel T. Valenzuela nga maoy maging OIC Barangay Kapitan ug kini gin-uyunan sa mayorya sa Sangguniang Barangay. Ug tungod niini nagpatawag ug emergency Session si OIC Barangay Kapitan Carrasco aron hulipan ang mga bakanting posisyon sa pagka-kagawad ug ang gi-appoint mao si Larry Gonzaga, Salway Sumbo Sr. ug Sot Maguan.

Location and Total Land Area

Barangay Kinam is situated in the upper portion of the Municipality of Malapatan bounded on the North by  barangay Upper Suyan , on the East by the Province of Davao Occidental, on the South by Municipality of Glan and on the West by  Barangay Libi and Lun Masla . Figure 1 shows the Location Map.

Location Map of Barangay Kinam


About Malapatan

Malapatan is a first class municipality in the province of Sarangani, Philippines. According to the 2010 census, it has a population of 72,386 people. As of 2010, it has a total voting population of 35,569 voters.

Malapatan is bounded on the west by Sarangani Bay, on the east by Davao del Sur, on the north by Alabel, and on the south by Glan.